- හිසේ ඇතිවන ඉස්හොරි තුවාල වලට
බීට් අලයක් ගෙන එය තලා ඉස්ම ගෙන හිසේ ගල්වා පැය බාගයකට පසු නාන්න. සතියකට දෙතුන් වරක් දිගටම මේ ලෙස කිරීමෙන් සහනයක් ලබා ගත හැකිය.
- දරුවන්ගේ කිරිපණු ගායට
ඇත්තෝර කොළ දළු ස්වල්පයක් එරබදු කොළ ස්වල්පයක් ගොටුකොළ මිටක් සමග දමා සම්බෝලයක් සාදා බත් සමග කන්නට දෙන්න. දින කිහිපයක් කන්නට දෙද්දී කිරිපණුවන් හැලී කිරි පණු ගාය සුවවේ.
- බඩගිනි නොඑන අයට
මුං ඇට තම්බා වතුර බොන්න. ඉන් බඩගිනි වැඩේ.
- රාත්රියට නින්ද නොයන අයට
රෑ ආහාරයත් සමග රතුලූනු බික් තුන හතරක් අමුවෙන් කන්න. ටික වෙලාවකින් තද නිදිමත ගතියක් එයි.
- මුඛ දුර්ගන්ධයට
කට ගද සමහර අයට ලොකු හිසරදයක්. කොතරම් දත් මැද්දත් කුමන දත් බෙහෙත් පාවිච්චි කළත් කට ගද නැතිවෙන්නේ නැති අවස්ථා තිබෙනවා. එහෙම අය නිතර නිතර කොත්තමල්ලි ඇට කිහිපයක් විකලා කන්න. දින තුන හතරක් මෙහෙම කරද්දී ඉබේම කටගද නැතිවෙනවා.
- අධික මත්පැන් ගැනීම නිසා ඇතිවන මතට
කංකුං මිටක් ගෙන එය තලා ඉස්ම රැගෙන බොන්නට දෙන්න. ඉන් මත තුනී වී යයි. වමනය ඇති වුවද වමනය යාමෙන් පසු මත් ගතිය අඩුවේ.
- නිතර නිතර පොල් සම්බෝල කනවා නම්
පොල් සම්බෝලයට දමන අධික පොල් ප්රමාණය නිසා පොල් සම්බෝලය සමහර අයට අගුණ වෙන්නට පුළුවන්. රෑට පොල් සම්බෝල කෑවම රාත්රීය පුරා බඩ බුරුල් කරල යන බවක් නිතර අසන්නට ලැබෙනවා. මේ පීඩාවෙන් මිදෙන්නට නම් සම්බෝල හදද්දී ගම්මිරිස් ඇට ටිකකුත් ඊටම තලා දමන්න. එවිට පොල් සම්බෝලයෙන් බඩ බුරුල් කරවන ආම ගතියක් ඇතිවෙන්නේ නැහැ.
- ඔසප් දිගටම ප්රමාද නම්
සූදුරු තම්බා බොන්න. ඉක්මනින් ඔසප් වෙයි. ටික ටික ඔසප් වෙනවා නම් ඒත් සූදුරු බොන්න. එවිට කඩින් කඩ යාම නැවතී එක දිගට ඔසප් වීම සිදුවේ. සූදුරු සමග බෙහෙත් බඩු කඩයෙන් ගත හැකි සතුකුප්පා තම්බා බීමෙන් හොද ප්රතිඵල ලැබේ.
- බඩේ කැක්කුම ඉක්මනින් දුරු කරලන්නට
කරාබු නැටි කිහිපයක් විකා ගිලින්න. ඔබ හිතනවාට වඩා ඉක්මනින් බඩේ අමාරුව සන්සිදේ.
- දරුවන්ගේ මුවින් පිටවන පණු කෙල නතර කිරීමටයි
කරාබුනැටි හොදින් තලා එය වතුර කෝප්පයක දමා පැයක් පමණ තබන්න. පසුව දරුවාට එය නින්දට පෙර බොන්න දෙන්න. පණු වමනය වලකී.
- සමේ ඇතිවන බිබිලි හා වෙනත් ආසාධබ අඩුකර ගැනීමට
හැමදාම නාන්නට පැය බාගයකට පෙර පිරිසිදු පොල්තෙල් ටිකක් ගෙන ශරීරය පුරාම ගල්වා මෘදුව සම්බාහනය කරන්න. පොල්තෙල් වල ඇති විෂ නසන ගුණයත් ධාතු බලයත් සමට ලැබෙනවා. පැය බාගයකට පසු නාන්න. දිගටම කිරීමෙන් සම වයසට යාම වැලකේ.
- සම ඉක්මනට වයසට යනවානම්
හොද මීපැණි බෝතලයක් සොයාගෙන දිනපතා නාන්නට පෙර මීපැණි තේ හැදි 2 ක් ගෙන ශරීරය පුරාම ගල්වන්න. විශේෂයෙන් අත්වල දෙපා වල සහ මුහුණේ ගල්වන්න. පැය බාගයකට පසු නාන්න. දිගටම කිරීමෙන් සම වයසට යාම වැලකේ.
- පිරිමි ළමයින්ගේ අණ්ඩග්රන්ථිය ඉදිමීමට
යොවුන් වියට පැමිණි පිරිමි ළමුන්ගේ අණ්ඩග්රන්ථිය ඉදිමීම සුලභ දෙයක්. රෝගයක් නොවුනත් බොහෝ අය මේ තත්වයට බිය වෙනවා. එවැනි දිනවල එක දිගට වැල්පෙනෙල තම්බා බොන්න. නැත්නම් වැල්පෙනෙල කැද බොන්න. ඉදිමුම බැසයයි.
- දරුඵල ප්රමාදද
බිරිද හා සැමියා යන දෙදෙනාම එක දිගට වැල්පෙනෙල කැද බොන්න. නිසරු ඵල සරු වේ.
උපුටා ගැනීමකි.
No comments:
Post a Comment